Paléographie
1599 Une guérison miraculeuse
Voir la transcription
1. Sur quoy ledict sieur évesque de Grasse et de
2. Vance respondit à ceux qui l’en vouloient dissuader
3. que tant s’en fault qu’il voulut s’abstenir de luy
4. vouloir donner la confirmation que au contraire il la
5. luy vouloit donner encor plus volontiers, espérant
6. qu’elle luy profiteroit à sa malladie, disant qu’il avoit
7. autres fois leu en livres approuvés q’un certain évesque
8. avoit guary un lunatique et furieux en luy administrant
9. le sacrement de confirmation et l’avoit remis en son
10. bon sens comme de faict ledict sieur évesque
11. de Grasse et de Vance apprès avoir proféré tout
12. hault deux ou trois fois les susdites parolles,
13. administra tout à l’instant audict Nicollas Querville
14. le sacrement de confirmation et que de tout
15. ce que dessus les assistans du clergé dudict Ponthoise
16. en sont ou peuvent estre tesmoigns et nous a
17. de surplus remonstré ledict Jan subtil promoteur
18. que estant le lendemain sixième jour dudict mois
19. d’avril party dudict Ponthoise de bon matin ledict sieur
20. évesque pour s’acheminer en ladicte ville de Rouen,
21. le bruit et fame publique auroit esté tant
22. audict Ponthoise que lieux circonvoisins mesmes
23. audict Meullant que ledict Nicollas Querville qui
24. avant ladicte confirmation et depuis trois mois
25. avoit esté notoirement fol et furieux, auroit esté
26. incontinant apprès ladicte confirmation remis
27. en son bon sens et jugement sans que du depuis
28. on eut apperceu en luy aucun vestige de follie ou
29. furie
Source Archives départementales des Alpes-Maritimes, 1G 1652